U17 KVINNU LANDSLIÐIÐ

Seks Neistaleikarar á U17 kvinnu landsliðnum.

Petra A. Larsen, Rúna J. Larsen, Hervør Niclasen, Maria P. Nólsoy, Sára Sigrunardóttir og Frida H. Jacobsen eru úttiknar til U17 landsliðið, sum nú eru ávegis til Georgia.

U17 kvinnurnar skulu spæla EM undan kapping í Tbilisi í Georgia. Føroyar eru í bólki við Grikkalandi, Ukraina, Serbia og Bulgaria.
Fyrsti dysturin verður spældur leygardagin 3. Aug. Kl. 09.00 føroyska tíð.
Venjarar eru Dia og Anya Midjord.

Neistin ynskir Petru, Rúnu, Hervør, Mariu, Sáru og Fridu hjartaliga tillukku við úttøkuni og vit ynskja tykkum, liðnum og venjaratoyminum góða eydnu

ÓLAVSØKAN 2019

Neistin varð best bæði til skrúgonguna og í Ólavsøku-hondbóltskappingini
Í høllini á Hálsi.

Neistin varð væl umboðað til skrúgonguna á Ólavsøku 2019. 
Í besta sólskinsveðri bleiv gingið oman á Tinghúsvøllin Ólavsøkuaftan.
Nógv ítróttarfeløg vóru við. Tað var ein vøkur og sigandi sjón, tá langa
røðin av børnum, ungum og vaksnum ítróttarfólki gingu gjøgnum býin
og stóðu saman um at gera okkara tjóðarhátíð festliga.
Sjónligast var tann blái Neistahópurin. Vit vóru flest og vístu eitt sterkt 
samanhald. Ása Dam á Neystabø var okkara flaggberi og barð hon tað 
tignarliga. Ása hevur í fleiri ár verið og er enn ein hollur stuðul í Neistanum
bæði á vøllinum sum leikari og venjari.
Nevndin vil fegin bera eina hjartans tøkk til øll sum luttóku í skrúgonguni.
Tað hevur stóran týdning fyri felagið, at vit møta fjølment til hettar tiltak og vísa
okkara góða og sterka felag, sum vit jú øll eiga okkara lut í. Latið okkum gera Ólavsøku-skrúgonguna til siðvenju. Síggjast øll aftur í næsta ár til skrúgonguna.

Kyndil skipaði fyri eini Ólavsøku- hondbóltskapping í HH Ólavsøkuaftan kl.18.00. Neistin, Kyndil, VÍF og KÍF luttóku. Ein lítil upphiting til komandi kappingarár og ein hugnalig løta í høllini fyri hondbóltsáhugaði. 
Neistamenn gjørdu ikki mætari enn at vinna kappingina. 
Á Neistaliðnum hendan dagin vóru:
Nicholas Satchwell, Rókur H. Joensen, Rói B. Hansen, Jóhannes Bjørgvin, Torstein Balle, Dánjal Ragnarsson, Tróndur Mikkelsen, Tróndur Kragesteen, Rasmus Søby,
Jónas Rasmussen, Jóhannes P. Kragesteen, Julian J. Kragesteen og Bjartur Hansen.
Hjartaliga tillukku Neistamenn.

U19 LANDSLIÐIÐ

Tíggjar neistakvinnur eru við á U19-landsliðnum, sum í dag eru farnar til Litava.

Ingunn Kristina Persson, Hjørdis Viðstein og Sólbjørt Høj eru úttiknar til U19-landsliðið við kvinnum.

U19 kvinnurnar skulu spæla EM kapping, W19 Championship, í Kaunas og Klaipeda í Litava í døgunum 15. – 21. Juli 2019. Føroyar eru í bólki við Kekkia, Kosovo og Turkalandi. Fyrsti dystur verður spældur mánadagin 15. Juli kl. 11.00 móti Kekkia, síðan týsdagin 16. Juli kl. 13.00 móti Turkalandi og hósdagin 18. Juli kl. 11.00 móti Kosovo.

Venjarar hjá U19-landsliðnum eru Per Klarup og Christoffur Gert Nielsen.

Neistin ynskir Ingunn, Hjørdis og Sólbjørt hjartaliga tillukku við úttøkuni og ynskja vit tykkum, liðnum og venjaratoyminum góða eydnu.

OKKARA VENJARATOYMIÐ

Nú er greitt, hvør kemur at manna venjaratoymið hjá Okkara monnum kappingarárið 2019/20.

Høvuðsvenjari verður, sum áður fráboðað, Mads Rydal Nielsen. Mads er dani, 28 ár, útbúgvin cand. negot. HRM & Leadership og býr í Odense. Mads hevur nógvar royndir bæði sum spælari og venjari í m.a. SUS Nyborg.
Hjálparvenjari verður David Edvardsen. David er dani, 32 ár, lærir til køliteknikara hjá Frost og býr í Tórshavn. David hevur spælt hondbólt í Føroyum í fleiri ár og hevur hann verið ein sera eyðsýndur og góður leikari øll árini. David kom til Føroyar í 2007 at spæla við STÍF og hevur síðan spælt bæði við Neistanum og Kyndli við sera góðum úrslitum. David hevur eisini í fleiri umførum verið venjari hjá ungdómsliðum. Vit eru sera fegin um at fáa David yvur í tí bláu leguna aftur og ynskja honum hjartaliga vælkoman í Neistan.
Guðrun Patursson, sum hevur verið álitið á liðleiðara postinum tvey tey seinastu kappingarárini, heldur fram komandi kappingarár. 
Neistin ynskir venjaratoyminum góða eydnu og gleðir seg til samstarvið.

VENJINGARLEGA

Ingunn Kristina L. Persson varð úttikin til A-landsliðið við kvinnum, sum hava verið á venjingarlegu í Århus á Hvítusunnu.

Hettar er fyrstuferð Ingunn Kristina er úttikin til A-landsliðið. Hon er 19 ára gomul og er ein av berandi kreftunum á besta liðnum hjá neistakvinnum. Ingunn Kristina hevur tó verið á landsliðsferð fyrr, men hevur tað verið við ungdómslandsliði.

Venjingarlegan hjá A-landsliðnum er liður í fyrireikingunum fram móti EM-kappingin í heyst. Kvinnurnar hava spælt tveir venjingardystir og vunnu báðar. Tær vunnu 31-28 móti Sønderjyske og vunnu 32-28 móti Århus.

Neistin ynskir Ingunn Kristinu L. Persson hjartaliga tillukku við úttøkuni og alt tað besta á komandi hondbóltsleið.

TRIÐJA UMFAR

Tróndur Kragesteen, Nicholas Satchwell og Rói B. Hansen eru enn einaferð úttiknir til A-landsliðið við monnum.

Landsliðsvenjarnir, Sonni Larsen og Jeppe Borch hava nú úttikið teir 16 leikararnar, sum skulu mannað A-landsliðið við monnum til triðja og síðsta EM-undankappingarumfarið í hondbólti.

Manslandsliðið skal spæla móti Montenegro í Farum 13. Juni og móti Danmark í Aalborg 16. Juni

Neistin ynskir Trónda, Nic og Róa hjartaliga tillukku við úttøkuni og ynskir venjarahópinum og liðnum góða eydnu.

GENTUR 14 TIL SKJERN

10 Neistagentur eru úttiknar at luttaka á hondbóltsferðini til Skjern, sum HSF skipar fyri.

Tilsamans 31 gentur eru við á ferðini. Tær spæla venjingardystir móti Esbjerg, Skjern og Skanderborg. Venjingarlegan er frá 16. – 20. Mai.

Neistagenturnar, sum eru við, eru Silja Muller, Birna Eyðunardóttir, Lea Mohr, Sára Sigrunardóttir, Anna Sigrunardóttir, Brá Reginsdóttir, Silja Heðinsdóttir, Bjørk F. Joensen, Marita J. Arge og Maria P. Nólsoy (sum vegna serligar umstøður mátti melda avboð). Hallur Danielsen og Eyðun R. Jensen eru við sum venjarar.

Neistin ynskir  04´ hópinum og venjaratoyminum eina góða venjingarlegu og góða eydnu. 

Leggjast má afturat, at tað er sera flott, at heili 10 gentir í sama árgangi frá Neistanum eru millum tær útvaldu at luttaka á hesi ferðini.

Okkara bláa hjarta gleðist vegna felagið og ikki minst tykkara vegna. Koyrið á. 

NÝGGJAN VENJARA

Maja Dragoljubovic verður aftur at síggja í neistamálinum komandi kappingarár 2019/20.

Vit í Neistanum eru sera fegin um, at Maja heldur fram á okkara besta kvinnuliði, har hon kann verða við til at verja aftasta skansa og styrkja um liðið.

NÝGGJAN VENJARA

Besta mansliðið hjá Neistanum fær nýggjan venjara komandi kappingarár.

Neistin hevur skrivað sáttmála við Mads Rydal Nielsen. Hann skal venja okkara neistamenn kappingarárið 2019/20.
Mads R. Nielsen er dani. Føddur í 1991 og býr í Odense. Hann er útbúgvin Cand. negot. HRM & Leadership. Hevur tikið DHF venjaraútbúgvingina í 2019. Mads hevur verið høvuðsvenjari hjá SUS Nyborg hondbólt, 2. Div. monnum kappingarárið 2018/19. Eisini hevur hann verið høvuðsvenjari hjá bæði U16 og U18 dreingjum 1. Div. hjá SUS Nyborg, umframt U16 og U18 dreingjum 1. Div. í GOG og á Oure.
Mads er uppvoksin í SUS Nyborg hondbóltsfelagnum. Hann elskar hondbólts- verðina. Mads hevði vónir um at gerast yrkis hondbóltsleikari og varð væl á veg, men hansara karriera steðgaði í 2014, tá hann fekk ein alvorligan skaða í økslina. Sum seniorleikari náddi Mads at spæla í 1. Div. í eitt ár og  valdi síðan at fara venjaraleiðina.

Neistin gleðir seg til samstarvið við Mads og ynskja vit honum hjartaliga vælkomin í felagið og góða eydnu.

Jeppe Borch hevur valt at fara aftur til Danmarkar, har hann skal venja U17 dreingir hjá GOG á Fjóni. Jeppe hevur verið í Neistanum í tvey kappingarár og hava tað verið tvey góð og mennandi ár hjá okkara monnum. Neistamenn hava hesi tvey árini saman við Jeppa Borch og venjaratoyminum vunnið tvey FM-silvurheiðursmerki og eitt steypafinalu gull.
Neistin takkar Jeppa fyri tíðina í felagnum og ynskir honum blíðan byr framyvur.

SMS VENJARATOYMIÐ

Venjaratoymið hjá SMS liðnum hjá Neistanum er uppá pláss.

Neistin hevur gjørt avtalu við Kára Horn, Flemming Raben og Eirikur Magnussen at taka sær av SMS liðnum komandi kappingarár 2019/20.

Hettar eru alt kend andlit í Neistahøpi. Kári Horn, sum hevur verið venjari hjá kvinnunum nú tað seinasta hálva árið, heldur fram sum høvuðsvenjari.

Flemming Raben, sum hevur verið venjari hjá Neistanum í fleiri umførum, verður hjálparvenjari. Eirikur Magnussen, sum hevur verið liðleiðari í fleiri ár, tekur enn eitt tørn.

Neistin gleðir seg til samstarvið og ynskir teimum hjartaliga vælkomin í felagið.

OPIÐ HÚS HJÁ NEISTANUM

Í samband við at ÍSF fylti 80 ár í ár, lat hondbóltsfelagið Neistin hurðarnar upp fyri øllum áhugaðum 6. Apríl í Gundadalshøllini frá kl. 13-15.

Dagurin varð sera væl eydnaður og nýttu fleiri høvið at vitja í høllini bæði nýggj og kend andlit. Gjørdur varð ein bóltbani til tey smáu. Har vóru bóltar og skotkappingar. Eisini bjóðaðu tey øllum at verða við til minihondbólt, har børn og foreldur kundu spæla saman við leikarum frá bestu liðnum.

Tíð varð eisini til ein drekkamunn við kaku og sunkist og vatn til tey smáu. ÍSF lundin kom framvið at heilsa uppá. Ein sera hugnalig løta.

Tríggir Neistamenn við á ferðini.

Tróndur Kragesteen, Nicholas Satchwell og Rói Berg Hansen eru úttiknir til A-landsliðið við monnum. Rói spælir við FIF í Keypmannahavn, men loyva vit okkum enn einaferð at rokna hann sum okkara.

A-landsliðið við monnum fór av landinum í gjár. Teir skulu spæla 2 dystir móti Ukraine. Fyrri dysturin verður spældur, mikudagin 10. Apríl kl. 17.00 føroyska tíð á útivølli í Ukraine. Seinni dysturin verður spældur, leygardagin 13. Apríl kl. 17.45 føroyska tíð á heimavølli í Royal Arena í Keypmannahavn. Venjarar eru Sonni Larsen og Jeppe Borch.

Neistin ynskir Trónda, Nic og Róa hjartaliga tillukku við úttøkuni og ynskja vit teimum, liðnum og venjarahópinum góða eydnu.

FM-FINALAN ER OKKARA

GULL TIL NEISTAN

NEISTAMENN Í FINALUNI

5 lið í finaluni

Ungdómsmennari

Kári Horn nýggjur venjari hjá Neistakvinnum

A-landsliðið við monnum

Venjingarlega

Venjingin er nú byrja ​

Fimm Neistamenn úttiknir

U20 landsliðið við monnum

Maja í Neistan